- បង្កើនការស្គាល់ពីម៉ាកយីហោ៖ ចំពោះចំណុចនេះយើងផ្ដោតសំខាន់ក្នុងទីផ្សារផ្សព្វផ្សាយឱ្យគេស្គាល់ពីអាជីវកម្មរបស់អ្នក (Public Relation) ទៅដល់អ្នកប្រើប្រាស់ Facebook ទាំងអស់។ ចំណុចនេះវាពិបាកបន្ដិចដើម្បីវាស់វែងឱ្យដឹងជាក់លាក់ថា នរណាពិតជាស្គាល់អាជីវកម្មរបស់អ្នក តែយើងស្មានទៅតាមចំនួន Like Page ក្នុងរយៈពេលជាក់លាក់ណាមួួយដែលយើងបានធ្វើការផ្សព្វផ្សាយ។ (ឧ. គោលដៅរបស់អ្នក គឺចង់បាន Like Page 300 ក្នុងរយៈពេល ២ ខែ)
- បង្កើត និងបង្កើនទំនុកចិត្ដ៖ នេះជាគោលបំណងក្នុងការផ្សព្វផ្សាយពីសមិទ្ធផល ឬ ការនិយាយល្អពីអតិថិជនរបស់អ្នកទៅកាន់សាធារណដើម្បីបង្ហាញថា យើងជាក្រុមហ៊ុនដែលមានការគាំទ្រខ្លាំង និងមានទំនុកខ្ពស់ពីសំណាក់អតិថិជន។
- បង្ហាញអំពីវិសាលភាព និងចំណេះដឹងក្នុងអាជីវកម្មរបស់អ្នក៖ Facebook ជាកន្លែងដ៏មានឥទ្ធិពលបំផុតដើម្បីផ្សព្វផ្សាយពីការងារដែលអ្នកបានធ្វើកន្លងមក ជាពិសេសចំណេះដឹង ឬយុទ្ធសាស្រ្ដល្អៗក្នុងអាជីវកម្មរបស់អ្នកដែលបានធ្វើឱ្យអ្នកទទួលបានជោគជ័យរហូតមកដល់សព្វថ្ងៃ។
- ផ្សព្វផ្សាយការលក់៖ នេះជាគោលដៅចុងក្រោយក្នុងអាជីវកម្ម គឺលក់ផលិត ឬសេវាកម្មដើម្បីទទួលបានប្រាក់ចំណេញ។ ការផ្សព្វផ្សាយលក់ដោយផ្ទាល់ក្នុង Facebook វាពិតជាមានការប្រកួតប្រជែងខ្លាំងមែនទែន ព្រោះថាមានគេផ្សព្វផ្សាយលក់ផលិតផល ឬសេវាកម្មដូចអ្នកជាច្រើន។ ហើយដើម្បីយកឈ្នះអ្នកមិនត្រូវបើយុទ្ធសាស្រ្ដបញ្ចុះតម្លៃហួសហេតុពេកនោះទេ។ ផ្ទុយទៅវិញអ្នកត្រូវពង្រឹងចំណុចបីខាងជាមុនសិន។
