កម្មវិធីផ្ញើសារ Messenger ជាកម្មវិធីមួយរបស់ក្រុមហ៊ុន Facebook ដែលមានអ្នកប្រើប្រាស់ជាច្រើនជាងគេបំផុត។ បើយោងទៅតាមការរាយការណ៍របស់ក្រុមហ៊ុន Facebook បានលើកឡើងថា មានការផ្ញើសារប្រហែលជា ១០ ០០០ លានសារក្នុងមួយខែៗ។ ជាលទ្ធផល កម្មវិធីនេះក៏បានក្លាយជាមធ្យោបាយដ៏មានប្រសិទ្ធភាពមួយក្នុងការផ្សព្វផ្សាយ។ ដូច្នេះហើយយើងសូមលើកយកនូវMessenger ៣ ប្រភេទដែលអាចប្រើសម្រាប់ការផ្សព្វផ្សាយអាជីវកម្មយ៉ាងមានប្រសិទ្ធភាពបំផុត។
១. Messenger Inbox
ការផ្សព្វផ្សាយអាជីវកម្មបច្ចុប្បន្នភាគច្រើនងាកមកប្រើ កម្មវិធី Messenger Inbox នេះ។ (មើលរូប) វាមានភាពងាយស្រួល និងឆាប់រហ័សបំផុតដើម្បីឱ្យអតិថិជនរបស់អ្នកបានមើលឃើញពីការផ្សព្វផ្សាយរបស់អ្នក ដោយគ្រាន់តែចុចលើផ្ទាំងពាណិជ្ជកម្មនេះ អ្នកនឹងអាចមើលឃើញពីព័ត៌មានលំអិតអំពីការផ្សព្វផ្សាយមួយនោះ។
២. Click-to-Messenger
Click-to-Messenger គឺជាកម្មវិធីផ្សាយពាណិជ្ជកម្មដែលអតិថិជនរបស់អ្នកអាចមើលឃើញនៅក្នុងកម្មវិធី Facebook និង Instagram ដោយអ្នកគ្រាន់តែចុចលើវា នោះវានឹងនាំអ្នកទៅកម្មវិធីផ្ញើសារ Messenger ដោយស្វ័យប្រវិត្ដ។ យើងអាចនិយាយបានថាកម្មវិធីមួយដែលអាចជួយម្ចាស់ជំនួយទទួលបានការផ្ញើសារសាកសួរ ឬ ទិញផលិត និងសេវាកម្មបានច្រើនបំផុត។
៣. Sponsored Messages
Sponsored message គឺកម្មវិធីផ្ញើសារមួយដែលម្ចាស់អាជីវកម្មអាចប្រើដើម្បីធ្វើការផ្សព្វផ្សាយផលិតឬ សេវាកម្មបានយ៉ាងឆាប់រហ័សទៅអ្នកដែលធ្លាប់បានផ្ញើសារជាមួយអ្នកក្នុង Messenger ពីមុនៗមក។ តែវាដំណើរការទៅបានលុះត្រាតែអ្នកប្រើប្រាស់លុយ។
Reference: https://www.facebookblueprint.com/uploads
