របៀបបង្កើតគណនី Instagram សម្រាប់មុខជំនួញរបស់អ្នក

ការបង្កើតគណនី Instagram សម្រាប់មុខជំនួញរបស់អ្នកគឺមានលក្ខណៈពិសេសនិងអាចជួយឲ្យអាជីវកម្មរបស់អ្នកបង្កើនការលក់ ភ្ជាប់ទំនាក់ទំនង និងទទួលបានអតិថិជនកាន់តែច្រើន។

បម្លែងគណនី Instagram ផ្ទាល់ខ្លួន របស់អ្នកទៅជា គណនីជំនួញ

 



ដើម្បីបង្កើតគណនីជំនួញ អ្នកត្រូវមានគណនី Instagram ផ្ទាល់ខ្លួនសិន។ ប្រសិនបើអ្នកមិនទាន់មានគណនី Instagramទេ  អ្នកអាចបង្កើតគណនីមួយនៅទីនេះ។

ដើម្បីប្ដូរគណនីផ្ទាល់ខ្លួនរបស់អ្នកទៅជាគណនីជំនួញ:

១. ចូលទៅកាន់ Profile របស់អ្នកហើយចុចលើ Menu នៅជ្រុងលើខាងស្ដាំ។

២. ចុច Settings

៣.​ ចុច Account

៤. ចុច Switch to Business Account

៥. យើងស្នើឲ្យអ្នកភ្ជាប់គណនីអាជីវកម្មរបស់អ្នកទៅទំព័រហ្វេសប៊ុកអាជីវកម្មរបស់អ្នក។ វានឹងមានភាពងាយស្រួលប្រើសម្រាប់អាជីវកម្មរបស់អ្នកទាំងនៅលើ Instagram និង​ Facebook។ មានតែ Facebook Page មួយប៉ុណ្ណោះដែលអាចភ្ជាប់ទៅគណនី Instagram របស់អ្នក។

៦. បន្ថែមព័ត៌មានលម្អិតដូចជាប្រភេទជំនួញនិងព័ត៌មានទំនាក់ទំនង។

៧. ចុច Done


ឲ្យមនុស្សស្វែងយល់បន្ថែមអំពីអាជីវកម្មរបស់អ្នកកាន់តែងាយស្រួល




នៅពេលអ្នកបង្កើតគណនីជំនួញអ្នក អ្នកអាចបំពេញអាសយដ្ឋាននិងប៊ូតុងទំនាក់ទំនងនៅក្នុង Profile របស់អ្នក។ អ្នកអាចបញ្ចូលទីតាំង លេខទូរស័ព្ទ និងអាសយដ្ឋានអ៊ីមែល ដើម្បីឲ្យអ្នកប្រើប្រាស់ Instagram អាចទាក់ទងអ្នកបាន។


កសាងនិងរក្សាទំនាក់ទំនងជាមួយនឹងអតិថិជនរបស់អ្នក


អ្នកនឹងអាចចូលប្រើប្រអប់សារ (Instagram Direct) ដើម្បីគ្រប់គ្រងសារដែលគេផ្ញើឲ្យអ្នកនៅលើ Instagram ។ ហើយអ្នកក៏អាចបង្កើត (quick replies) ដើម្បីឆ្លើយតបនឹងសំនួរភ្លាមៗផងដែរ។


រៀនពី Followers និង Post របស់អ្នក

ព្យាយាមស្វែងយល់ពី Followers អ្នកពីពេលវេលាដែលពួកគេនៅលើបណ្ដាញសង្គម Instagram និងរបៀបដែលពួកគេមានភាពសកម្មខ្លាំងជាមួយរូបថតនិងវីដេអូរបស់អ្នក។ ការយល់ដឹងបែបដឹងនេះនឹងធ្វើឲ្យអ្នកអាចបង្កើនឱកាសសម្រាប់ពួកគេឲ្យមានភាពសកម្មនៅលើ Instagram របស់អ្នកកាន់តែច្រើនឡើង។

 

ផ្សព្វផ្សាយ Post របស់អ្នក

ប្រើឧបករណ៍ផ្សព្វផ្សាយដើម្បីធ្វើឲ្យ Instagram Post របស់អ្នកទៅជាការផ្សាយពាណិជ្ជកម្មដែលអាចជួយបង្កើនអាជីវកម្មរបស់អ្នក។ នៅពេលដែលអ្នកផ្សព្វផ្សាយ Post របស់អ្នក, វានឹងចេញជា sponsored post នៅក្នុង Instagram Stories ឬ នៅក្នុង Feed។

Related post:

កែប្រែរូបភាពអ្នកឲ្យកាន់តែមានភាពទាក់ទាញ ដើម្បីទទួលបានប្រសិទ្ធភាពក្នុងការផ្សព្វផ្សាយអាជីវកម្មតាមហ្វេសប៊ុក

ការកែប្រែរូបភាព(Edit) លោកអ្នកដើម្បីយកទៅផ្សព្វផ្សាយអាជីវកម្មក្នុងហ្វេសប៊ុក មិនចាំបាច់តម្រូវការខ្ពស់រហូតដល់កុំព្យូទ័រល្អៗពេកអីនោះទេ ត្រឹមតែទូរសព្ទដៃស្មាតហ្វូនលោកអ្នក ក៏អាចកែប្រែរូបភាពធម្មតា ឲ្យក្លាយជារូបភាពទាក់ទាញបានយ៉ាងងាយស្រួល។ អ្វីដែលពិសេនោះ វាមិនត្រឹមតែជារូបភាពដែលមានពណ៌ស្រស់ស្អាតប៉ុណ្ណោះ តែថែមទាំងមានភាពច្នៃប្រឌិតខ្ពស់ទៀតផង។  អ្នកចង់ឲ្យរូបភាពអាជីវកម្មរបស់លោកអ្នកមានភាពទាក់ទាញពីសំណាក់អ្នកប្រើប្រាស់ហ្វេសប៊ុក លែងជាបញ្ហាទៀតហើយ នៅពេលអ្នកស្គាល់កម្មវិធីកែប្រែរូបភាពទាំងនេះ។ ប៉ុន្តែសូមចងចាំថា ដើម្បីឲ្យរូបមួយមានភាពទាក់ទាញ រូបអ្នកចាំបាច់ត្រូវមានពណ៌ស៊ីនឹងរូបភាព ឬយល់ល្អអាចព្យាយាមរូបភាពដែលរាងងងឺត ដែលបង្ហាញពីផលិតផលអ្នកច្បាស់ជាការប្រសើរ។  ជាមួយនឹងកម្មវិធី Adobe Photoshop[...]

Continue