ដោយសារមានកំណើនអ្នកប្រើប្រាស់យ៉ាងច្រើនលើសលប់ទូទាំងសកលលោក ធ្វើឱ្យហ្វេសប៊ុកត្រូវប្រឈប់ជាមួយនឹងបញ្ហាជាច្រើនដែលអាចធ្វើឱ្យទំនុកចិត្ដមកលើកម្មវិធីរបស់ខ្លួនត្រូវធ្លាក់ចុះ និងក្លាយជាមយ្យោបាយសម្រាប់ជន ឬ ក្រុមអគតិធ្វើឱ្យសង្គមរស់នៅអ្នកប្រើប្រាស់របស់ខ្លួនត្រូវមានបញ្ហាប្រឈមច្រើន។
ជាជំហររបស់ខ្លួន ហ្វេសប៊ុកកំពុងតែដាក់វិធានការលុបបំបាត់ និងទប់ស្កាត់បញ្ហាធំៗទំាងប្រាំនេះ៖
១. អំពើហិង្សារដែលអាចកើតមានយ៉ាងប្រាកដ
ហ្វេសប៊ុកមានគោលការណ៍យ៉ាងតឹងរឹងក្នុងការទប់ស្កាត់ផលប៉ះពាល់ទាំងឡាយណាដែលអាចកើតមានឡើងយ៉ាងប្រាកដក្នុងសង្គមរស់នៅរបស់អ្នកប្រើប្រាស់ ដែលវាបង្កឡើងដោយសារតាមាតិកាដែលបានផុសនៅក្នុងហ្វេសប៊ុកតាមរយៈការប្រើប្រាស់រូបភាព ឬភាសាប្រមាថម៉ាក់ងាយ ឬការគំរាមគំហែងដែលអាចប៉ះពាល់ដល់សុវត្ថិភាពបុគ្គលណាមួយមិនថាតែផ្លូវកាយ ឬផ្លូវអារម្មណ៍។
២. បុគ្គល ឬអង្គភាពដែលមានអាចបង្ករគ្រោះថ្នាក់
ក្នុងការខិតខំប្រឹងប្រែងដើម្បីលុបបំបាត់ និងទប់ស្កាត់ផល់ប៉ះពាល់ទាំងឡាយណាដែលអាចកើតមានឡើងយ៉ាងប្រាកដក្នុងសង្គមរស់នៅរបស់អ្នកប្រើប្រាស់ដូចដែលបានចែងខាងលើ ហ្វេសប៊ុកមិនអនុញ្ញាតរាល់អង្គការណា ក្រុមណា ឬបុគ្គលណាដែលបានមាននិន្នាការទៅរករឿងខាងក្រោមនេះឡើយ៖
- សកម្មភាពភារវកម្ម
- អំពើស្អប់ខ្ពើមដែលបានរៀបចំទុកមុន
- ការសម្លាប់រង្គាល ឬឃាតកម្ម
- ការជួញដូរមនុស្ស
- សកម្មភាពប្រព្រឹត្ដអំពើហិង្សា ឬឧក្រិដ្ឋកម្មដែលបានរៀបចំទុកមុន
- ហើយហ្វេសប៊ុកក៏នឹងលុបចោលនូវមាតិកាទាំងឡាយណាដែលគាំទ្រទៅដល់ក្រុម ឬអ្នកដឹកណាំដែលទាក់ទងក្នុងសកម្មភាពទាំងនេះ។
៣. ឧក្រិដ្ឋកម្មដែលផ្សព្វផ្សាយជាសាធារណៈ
ហ្វេសប៊ុកធ្វើការហាមឃាត់ដាច់ខាតក្នុងផ្សព្វផ្សាយ និងចុះផ្សាយជាសាធារណរាល់បទឧក្រិដ្ឋដោយអំពើហិង្សា ការលួចប្លន់ និងបោកបញ្ឆោត។ នេះពីព្រោះថា ហ្វេសប៊ុកមិនចង់មានឱ្យកើតមានហើយ ទើបមានការលើកលែងនោះទេ ដាច់ខាតត្រូវតែមានបង្ការប្រសើរជាងការព្យាបាល និងការផ្ដន្ទាទោស។
៤. ផលប៉ះពាល់ដែលមានការជ្រុញឱ្យកើតឡើង
ដូចទៅនឹងចំណុចទី ២ ដែល ដើម្បីលុបបំបាត់ និងទប់ស្កាត់ផលប៉ះពាល់ដែលអាចកើតមានឡើងយ៉ាងប្រាកដនៅក្នុងសង្គមរស់នៅរបស់អ្នកប្រើប្រាស់ ហ្វេសប៊ុកធ្វើការហាមឃាត់គ្រប់បុគ្គលដែលមានសកម្មភាព និងចេតនាក្នុងការសម្រួល ឬជម្រុញឱ្យកើតមានឡើងសកម្មភាពឧក្រិដ្ឋកម្មនៅក្នុងថ្ងៃអនាគតដែលមានទំនោរយ៉ាងជាក់ជាក់ក្នុងការបង្ករគ្រោះថ្នាក់ដល់អ្នកដទៃ។
៥. ទំនិញទូទៅ និងមិនទូទៅ
ដើម្បីលើកកម្ពស់សុវត្ថិភាព និងអនុលោមភាពជាមួយនឹងការរឹតបន្ដឹងដោយស្របច្បាប់ ហ្វេសប៊ុកធ្វើការហាមឃាត់រាល់ការប៉ុនប៉ងពីសំណាក់បុគ្គលណាម្នាក់ ក្រុមណាមួយ ឬក្រុមហ៊ុនផលិតកម្មណាមួយធ្វើការផ្សព្វផ្សាយការផលិត ឬការលក់ផលិតផលមិនទូទៅនោះឡើយ។ (ឧ. ទំនិញទូទៅដូចជាបាយ ព្រោះថាមនុស្សគ្រប់គ្នាសុទ្ធតែអាចផលិត និងលក់បាន។ ចំពោះទំនិញមិនទូទៅវិញដូចជា ថ្នាំពេទ្យ ឬឱសថ ព្រោះថាផលិតផលទាំងនេះមិនមែននរណាៗសុទ្ធតែអាចផលិត និងលក់ដោយសេរីបានឡើយ) ។ នេះរាប់បញ្ចូលទាំងគ្រឿងញៀន និងថ្នាំបង្ការផងដែរ។
ឯកសារយោង
https://www.facebook.com/communitystandards/violence_criminal_behavior
