ជុំវិញបញ្ហាបង្កើតគណនីហ្វេសប៊ុកថ្មី ដែលអ្នកគាំទ្ររបស់កម្មវិធីនេះអាចនឹងជួបប្រទះមុនដំបូងគេបង្អស់នោះគឺ ការដាក់ឈ្មោះមិនបាន។ នៅក្នុងសង្គមហ្វេសប៊ុក អ្នកប្រើប្រាស់ទាំងអស់ត្រូវតែមានឈ្មោះក្នុងគណនីដែលជាឈ្មោះរបស់ខ្លួនឯង ហើយត្រូវគោរពទៅតាមគោលការណ៍របស់ហ្វេសប៊ុក ដោយហេតុនេះហើយទើប មានអ្នកចង់បង្កើតគណនីថ្មីមួយចំនួនជួបបញ្ហាដាក់ឈ្មោះមិនបានសម្រេច ដោយសារតែពួកមានកំហុសក្នុងការដាក់ឈ្មោះក្នុងចំណុចខាងក្រោមនេះ៖
- ដាក់សញ្ញា ដាក់លេខ ដាក់អក្សរធំច្រើន ដាក់អក្សរដដែលៗច្រើនដង ឬ ដាក់វណ្ណាយុត្តិ ( ៏, ៍, ៖, ៈ) ច្រើនដង។
- សរសេរឈ្មោះមួយដែលមានអក្សរច្រើនភាសាចូលគ្នា។
- ឈ្មោះដែលយកចំណងជើងដែលទាក់ទងនឹង វិជ្ជា ជីវៈ ឬ សាសនាជាដើម។
- ឈ្មោះដែលមានពាក្យ ឬឃ្លារបស់ទីកន្លែងណាមួយ។
- ឈ្មោះដែលមានន័យអាក្រក់ ឬហិង្សារ។
ជាសេចក្ដីរួម ហ្វេសប៊ុកតម្រូវឱ្យតែអ្នកប្រើប្រាស់របស់ខ្លួនប្រើឈ្មោះដែលជាឈ្មោះពិតប្រាកដដែលខ្លួនប្រើប្រាស់រាល់ថ្ងៃ ដើម្បីចៀសវាងឱ្យបាននូវការភាន់ច្រលំ និងការបោកប្រាស់ក្នុងមធ្យោបាយ ឬគោលបំណងណាមួយពីសំណាក់ជនអគតិមួយចំនួនដែលចង់ប្រើព័ត៌មានមិនពិតក្នុងបណ្ដាញសង្គមដើម្បីលាក់បាំងអត្តសញ្ញាណដើម្បីបោកប្រាស់ ឬកេងប្រវ័ញ្ចអ្នកដទៃ។
ប្រភព៖ https://www.facebook.com/help
