យើងដឹងរួចមកហើយថា ការផ្សព្វផ្សាយផលិតតាមបណ្តាញសង្គមអនឡាញ Facebook Page ពិតជាទទួលបានប្រសិទ្ធភាពខ្ពស់ និងកំពុងមានការពេញនិយមពីសំណាក់មា្ចស់អាជីវកម្ម។ តែទោះបីជាយ៉ាងណាក៏ដោយ មិនមែនឱ្យតែមានផលិតផល ឬសេវាកម្មអ្នកដឹងតែអាចផ្សព្វផ្សាយពីវាតាម Facebook បាននោះទេ ព្រោះថា Facebook មានបទបញ្ញាតិ ក្រឹត្យក្រមច្បាស់លាស់ក្នុងការចាត់ចំណាត់ថ្នាក់ពីប្រភេទផលិតផល និងសេវាកម្មដែលអ្នកធ្វើការផ្សព្វផ្សាយក្នុងកម្មវិធីរបស់ខ្លួនបាន។
ចង់ដឹងថាប្រភេទផលិតផល ឬសេវាកម្មដែលលោកអ្នកកំពុងមានក្នុងដៃ ឬបម្រុងនឹងបង្កើតឡើងថាតើ វាអាចទទួលបានជោគជ័យក្នុងការផ្សព្វផ្សាយតាមរយៈកម្មវិធី Facebook បានឬយ៉ាងណា សូមអានសំណួរខាងក្រោមនេះសិន បើចម្លើយរបស់អ្នក “មិនមែនទេ” ទាំងអស់ គឺ OK ហើយ៖
១. តើវាជាប្រភេទផលិតផល ឬសេវាកម្មប៉ះពាល់ដល់សីលធម៌សង្គមដែរឬទេ? ឧទាហរណ៍៖ រឿងផ្លូវភេទ រូបភាពអាសអាភាស តុក្ដាផ្លូវភេទ ក្លឹបមានបម្រើសេវាកម្មផ្លូវភេទ ថ្នាំសម្រើប ជាដើម។
២. តើផលិតផលរបស់អ្នកជាប្រភេទថ្នាំញៀនខុសច្បាប់ ឬជាសកម្មភាពជូញដូរគ្រឿងញៀនដែរឬទេ?
៣. តើអាជីវកម្មរបស់អ្នកនឹងផ្សព្វផ្សាយពី Online Game ដែលតម្រូវឱ្យប្រើលុយដែរឬទេ?
៤. តើផលិតផលរបស់អ្នកជា អាវុធខុសច្បាប់គ្រប់ប្រភេទ គ្រប់រំសេវ ឬ គ្រប់ផ្ទុះដែរឬទេ?
៥. តើអាជីវកម្មរបស់អ្នកជា ហ៉្វាម៉ាស៊ី (ឱសថស្ថាន) លក់ថ្នាំពេទ្យតាមអនឡាញមែនទេ?
៦. តើអ្នកនឹងផ្សព្វផ្សាយលក់ផលិតផលថ្នាំជក់មែនទេ?
៧. តើអាជីវកម្មរបស់អ្នកជាប្រភេទសេវាកម្មចាំគូសម្រាប់យុវវ័យមែនទេ?
ជាសេចក្ដីរួម Facebook Policy មិនអនុញ្ញាតរាល់ការផ្សព្វផ្សាយទាំងឡាយណាមានខុសនឹងច្បាប់ ប៉ះពាល់សុខភាព ខូចសីលធម៌ក្នុងសង្គម និងបង្កគ្រោះថ្នាក់ដល់មនុស្សជុំវិញ។
អ្នកអាចសិក្សាបន្ថែមអំពីអត្ថបទខាងក្រោម៖
