សព្វថ្ងៃនេះយើងមើលឃើញថា សន្ទុះនៃការប្រើប្រាស់ហ្វេសប៊ុកមានកំណើនឥតឈប់ឈរ ធ្វើឲ្យបុគ្គលអគតិមួយចំនួនឈ្លាតឱកាសធ្វើការហែកគណនីអ្នកប្រើប្រាស់ ដើម្បីប្រើប្រាស់ប្រយោជន៍ផ្ទាល់ខ្លួនជាដើម។ ដូចនេះ ដើម្បីកុំឲ្យជនមិនល្អទាំងនោះ បានចិត្តហែកគណនីរបស់យើង យើងត្រូវតែរៀនពីរបៀបការពារ និងយកគណនីយើងត្រឡប់មកវិញ នៅពេលគេហែកបានហើយ។
ខាងក្រោមនេះ ជាវិធីដែលយើងអាចយកគណនីយើងត្រឡប់មកវិញបាន៖
#ជំហានទី១
ជាដំបូង សូមអ្នកចូលទៅកាន់តំណរលីងខាងក្រោមនេះ ដើម្បីបញ្ជាក់ប្រាប់ហ្វេសប៊ុកថា គណនីរបស់យើងត្រូវបានគេគ្រប់គ្រងហើយ។
តំណរលីង៖ https://www.facebook.com/hacked
#ជំហានទី២
បន្ទាប់មក សូមចុចលើ "My Account Is Compromised" ដែលមានន័យថា គណនីរបស់ខ្ញុំត្រូវបានគ្រប់គ្រងដោយជនអនាមិក។ នៅពេលចុចលើពាក្យនេះហើយ ហ្វេសប៊ុកនឹងស្នើសុំឲ្យអ្នក បំពេញ ID (អ៊ីម៉ែលអ្នកប្រើប្រាស់ ឬឈ្មោះគណនី លេខទូរសព្ទ) ដើម្បីធ្វើការស្វែងរកគណនីរបស់អ្នកដែលបានត្រូវគេហែក។
ចំណាំ៖ ប្រសិនបើអ្នកហែកបានផ្លាស់ប្ដូរ Email របស់អ្នក លេខទូរសព្ទដៃរបស់អ្នក សូមលោកអ្នកធ្វើការស្វែងរកគណនីរបស់អ្នកតាមរយៈឈ្មោះគណនី ជំនួសឲ្យអ៊ីម៉ែលវិញ។
ជាធម្មតានៅពេលដែលអ្នកហែកទាំងនោះ បានហែកយកគណនីរបស់អ្នកហើយ វានឹងផ្លាស់ប្ដូរអ៊ីម៉ែលរបស់យើងជាមិនខាន ប៉ុន្តែឈ្មោះរបស់យើងវាមិនងាយស្រួលនឹងផ្លាស់ប្ដូរឡើយ។ មកដល់ចំណុចនេះ ប្រសិនបើអ្នកមិនអាចស្វែងរកគណនីដែលត្រូវបានគេហែកនោះ សូមធ្វើវិធីខាងក្រោមបន្តទៀត។
#ជំហានទី៣
នៅពេលដែលអ្នកបានរកឃើញគណនីដែលត្រូវបានគេហែកហើយ ហ្វេសប៊ុកនឹងតម្រូវឲ្យអ្នកបំពេញសម្ងាត់ចាស់ ឬលេខសម្ងាត់បច្ចុប្បន្នរបស់អ្នក (Enter a Current or Old Password)។ ឆ្ងល់ហ្វេសប៊ុកដែរ បើខ្ញុំស្គាល់លេខសម្ងាត់បច្ចុប្បន្ន ខ្ញុំមកពឹងហ្វេសប៊ុកថា គេហែកគណនីខ្ញុំធ្វើអី? ខ្ញុំទៅប្ដូរលេខសម្ងាត់ទៅ ចប់បាត់ហើយ។ សាំមែន! យ៉ាងណាក៏ដោយ អ្នកអាចធ្វើការបញ្ចូលលេខសម្ងាត់ចាស់របស់អ្នក ដែលអ្នកនៅចាំបាន!
#ជំហានទី៤
ឥឡូវនៅពេលដែលអ្នកបានបញ្ចូលលេខសម្ងាត់ចាស់រួចហើយ ហ្វេសប៊ុកនឹងស្នើសុំឲ្យអ្នកធ្វើការលុបលេខសម្ងាត់ហើយ (Reset Your Password)។ សូមធ្វើការចុចលើប៊ូតុងវា!
#ជំហានទី៥
ឥឡូវអ្នកអាចធ្វើការលុបលេខសម្ងាត់ចោលរួចហើយ ប៉ុន្តែមានករណីពីរផ្សេងគ្នា៖
ករណីទី១៖ ប្រសិនបើអ្នកអាចធ្វើការភ្ជាប់ទៅកាន់អ៊ីម៉ែលរបស់អ្នក ឬគណនីរបស់អ្នកបានភ្ជាប់ជាមួយលេខទូរសព្ទនោះ វាងាយស្រួលសម្រាប់អ្នកទេ ដើម្បីធ្វើការផ្លាស់ប្ដូរលេខទូរសព្ទ។ (សូមមើលរូប)
ករណីទី២៖ បើអ្នកហែក វាហែកទាំងអ៊ីម៉ែលរបស់អ្នក ឬក៏ធ្វើការលុបចោលអ៊ីម៉ែល លេខទូរសព្ទដែលជាប់ពាក់ព័ន្ធនោះ សូមលោកអ្នកធ្វើការចុចលើ No longer have access to these? ដែលបានន័យថា អ្នកមិនអាចធ្វើការភ្ជាប់ទៅកាន់អ៊ីម៉ែល ឬលេខទូរសព្ទបានទៀតទេ។
#ជំហានទី៥.១
នៅពេលដែលលោកអ្នកចុចលើ 'No longer have access to these?' នោះលោកអ្នកនឹងទៅដល់ផេកផ្សេងមួយទៀត ដែលហ្វេសប៊ុកនឹងធ្វើការសួរសំណួរអ្នកថា “How can we reach you”។ ឥឡូវនេះ អ្នកអាចធ្វើការបញ្ចូលអ៊ីម៉ែលថ្មី ឬលេខទូរសព្ទដែលហ្វេសប៊ុកអាចធ្វើការទំនាក់ទំនងមកកាន់អ្នកបាន តាមរយៈសំនួរ Survey មួយចំនួន។
#ជំហានទី៦
ឥឡូវនេះ អ្នកអាចបញ្ចូលអ៊ីម៉ែលថ្មី ឬលេខទូរសព្ទរបស់អ្នក ដែលក្នុងករណីនេះ មាន ៤ ករណីដែលអាចកើតឡើង។
ករណីទី១៖ សុំជំនួយពីមិត្តភក្តិក្នុងហ្វេសប៊ុករបស់អ្នកបីនាក់ ករណីអ្នកបានទាញពួកគេចូលទៅក្នុង “Trusted Contacts” នោះអ្នកអាចពឹងពួកគេឲ្យជួយមើលគណនីរបស់អ្នកបាន តាមរយៈការផ្ញើលេខសម្ងាត់ទៅកាន់ពួកគេ។ សូមមើលរូបឧទាហរណ៍ខាងក្រោម៖
ករណីទី២៖ ករណីទី២ ប្រសិនបើអ្នកមិនបានកំណត់នោះទេ វីធីខាងក្រោមក៏អាចជួយអ្នកបានដែរ ដោយលោកអ្នកអាចឲ្យហ្វេសប៊ុកធ្វើការ Random មនុស្សចំនួន ៥នាក់ឲ្យអ្នកតែម្ដង ហើយហឲ្យគេចុចលើតំណរ Link នេះ ដើម្បីផ្ដល់ជូនលេខសម្ងាត់ដល់អ្នក។ សូមប្រាកដថា គេយល់ព្រម ឬអ្នកស្គាល់ពួកគេ ពុំដូច្នោះទេ អ្នកប្រហែលជាពិបាកហើយ។ សូមមើលរូបដូចខាងក្រោម៖
ករណីទី៣៖ បំពេញពាក្យ ករណីអ្នកបាន ឬមិនបាន Add មិត្តភក្តិហ្វេសប៊ុករបស់ចូលទៅក្នុង “Trusted Contacts” សូមមើលរូបឧទាហរណ៍៖
ករណីទី៤៖ ការឆ្លើយសំនួរ ប៉ុន្តែដោយសារហេតុតែហ្វេសប៊ុកធ្វើការអាប់ដេត ទើបធ្វើឲ្យជម្រើសមួយនេះនេះត្រូវបានបិទចោលទៅហើយ។ សូមមើលរូបឧទាហរណ៍៖
#ជំហានទី៧
មកដល់ចំណុចនេះ ផ្លេនប៊ីសង្ឃឹមយ៉ាងមុតមាំថា អ្នកបានធ្វើការដោះស្រាយបញ្ហាចប់រួចរាល់ហើយ ដូច្នេះអ្នកនឹងធ្វើការស្នើសុំឲ្យបញ្ចូលលេខសម្ងាត់ថ្មីជាក់ជាមិនខាន។
ក្នុងជំហានទី៦ ករណីទី១ និងទី២ ហ្វេសប៊ុកនឹងធ្វើការផ្ញើលេខកូដ ៣ខ្ទង់ទៅកាន់ពួកគេ ហើយអ្នកចាំបាច់ត្រូវសុំលេខកូដទាំងនោះ ដើម្បីមកប្ដូរលេខសម្ងាត់របស់អ្នក។ ឬប្រសិនបើអ្នកបានចូលដល់ករណីទី៣ នៃជំហានទី៦នោះ បន្ទាប់ពីបំពេញបែបបទរួចមក ភ្នាក់ងារហ្វេសប៊ុកនឹងធ្វើការពិនិត្យមើលលើស្នើសុំរបស់អ្នក ហើយអ្នកនឹងទទួលបានសារមួយ ដែលនឹងផ្ញើទៅកាន់អ៊ីម៉ែលអ្នកដែលអ្នកបានបំពេញក្នុងជំហានទី៥.១ ដែលហ្វេសប៊ុកបានស្នើសុំ។
ជំហានទាំងអស់នេះ ផ្លេនប៊ីសង្ឃឹមថា អ្នកនឹងអាចទាញយកគណនីរបស់អ្នកត្រឡប់បានមកវិញ ជាក់ជាមិនខាន។
អរគុណ! ជួបគ្នាក្នុងអត្ថបទក្រោយៗទៀត….!
ប្រភព៖ tricks99.net
