នៅក្នុងអត្ថបទមុន យើងបាននិយាយគ្នារួចមកហើយអំពីកត្ដាសំខាន់ៗដែលត្រូវមានមុនពេលសម្រេចចិត្ដចាប់ផ្ដើមដំណើរការទីផ្សារតាមបណ្ដាញសង្គមអនឡាញដែលកំពុងពេញនិយម ទៅលើប្រធានបទ “៤ ចំណុចដែលអ្នកត្រូវមានមុនពេលចាំផ្ដើមយុទ្ធសាស្រ្ដទីផ្សារតាម Facebook” ដែលផ្ដោតសំខាន់ទៅលើចំណុចគោលដូចជា ការមានគេហទំព័រល្អ និងទុកចិត្ដបាន...ជាដើម។ \

ដើម្បីឱ្យការផ្សព្វផ្សាយរបស់អ្នកទទួលបានលទ្ធផលមួយល្អគាប់ប្រសើរ វាពឹងអាស្រ័យច្រើនទៅលើការឌីហ្សាញនៃរូបភាព។ ​ឯការឌីហ្សាញនេះទៀតសោត ទាមទារឱ្យអ្នកឌីហ្សាញយល់ច្បាស់ពីច្បាប់របស់ហ្វេសប៊ុក ក៏ដូចជាការច្នៃប្រឌិតនៃការដាក់អក្សររូបភាពឱ្យត្រូវទៅតាមក្រឹត្យក្រមរបស់ Facebook ពុំដូច្នោះទេ ការផ្សព្វផ្សាយរបស់អ្នកនឹងទទួលបានលទ្ធផលមិនល្អគាប់ឡើយ។​

ពិតណាស់ថា យើងចង់បង្កើតអ្វីដែលថ្មី និងល្អផ្ដាច់ តែវានៅតែចាំបាច់បំផុតដែលអ្នកត្រូវតែធ្វើការស្រាវជ្រាវ ផ្ទៀងផ្ទាត់មើលនូវអ្វីដែលអ្នកដទៃបានដើររួចមកហើយ ថាតើវាទទួលបានជោគ ឬបរាជ័យ? ហើយត្រូវធ្វើយ៉ាងណាដើម្បីឱ្យបានល្អជាងគេ និងមានសុពលភាពបានយូរបំផុត។​

នៅក្នុងសង្គមសម័យទំនើបនេះ មនុស្សគ្រាប់គ្នានិយមប្រើកម្មវិធីទូរស័ព្ទដូចជា Facebook, Instagram និងកម្មវិធីផ្សេងៗទៀត ដើម្បីស្វែងរកមើលម៉ាកយីហោល្បី ទិញផលិតផល និងតភ្ជាប់ទំនាក់ទំនងជាមួយមិត្តភក្តិ ក្រុមគ្រួសារ និងការងារដើម្បីឱ្យជីវិតរស់នៅកាន់តែល្អប្រសើរ និង កំសាន្ដសប្បាយ។

នៅក្នុងដំណើរការទីផ្សារ ជាពិសេសនៅក្នុងប្រព័ន្ធផ្សព្វផ្សាយសង្គម ការបង្កើតផែនការមាតិកាផ្សព្វផ្សាយ គឺមានសារៈសំខាន់ខ្លាំងណាស់ក្នុងការកសាងភាពល្បីល្បាញ និងទំនុកចិត្ដសម្រាប់អតិថិជន។ នោះហើយជាមូលហេតុដែលអ្នកធ្វើផែនការធ្វើត្រូវប្រុងប្រយ័ត្ន មុនពេលបើកដំណើរការផែនការទីផ្សារមាតិការបស់ពួកគេ។