មនុស្សសឹងតែទាំងអស់ដែលរស់នៅក្នុងសង្គមទំនើបនេះបានស្គាល់ និងកំពុងប្រើប្រាស់ប្រព័ន្ធផ្សព្វផ្សាយសង្គមដើម្បីបម្រើប្រយោជន៍ក្នុងការរស់នៅឱ្យកាន់តែមានភាពងាយស្រួល និងស៊ីវិល័យ។ ចុះចំពោះអាជីវកម្មវិញយ៉ាងម៉េចដែរ? អតិថិជនប្រើប្រាស់ប្រព័ន្ធផ្សព្វផ្សាយសង្គមដើម្បីធ្វើឱ្យជីវិតកាន់តែងាយស្រួល ដូច្នេះអាជីវករក៏អាចប្រើប្រព័ន្ធផ្សព្វផ្សាយសង្គមដើម្បីទទួលបានអតិថិជនកាន់តែច្រើ និងជោគជ័យផងដែរ។

ទំនាក់ទំនងអាជីវកម្ម និងអតិថិជន ត្រូវបានកំពុងតែមានភាពកើនឡើងជាខ្លាំងតាមរយៈការរីកចម្រើននៃបច្ចេកវិទ្យាឌីជីថលក្នុងរយៈពេលប៉ុន្មានឆ្នាំមកនេះ។ ដោយបច្ចុប្បន្ននេះយើងគ្រាប់គ្នាសុទ្ធតែមាន Smart Phone ឬ កុំព្យូទ័រក្នុងដៃគ្រប់គ្នាដើម្បីភា្ជប់ទំនាក់ទំនង ទទួលព័ត៌មាន លក់ និងទិញផលិត ឬសេវាកម្មតាមបណ្ដាញសង្គមផ្សព្វផ្សាយបានគ្រប់ពេល និងគ្រប់ទីកន្លែង។

សម្រាប់បណ្ដាយផ្សព្វផ្សាយសង្គមអនឡាញ (Digital Social Media) អ្នកមិនចាំតែចំណាយលុយច្រើនក្នុងការផ្សព្វផ្សាយឱ្យគេស្គាល់ច្រើនពីហាង ឬផលិតផរបស់អ្នកនៅទេ។ សំខាន់​ គឺមានទិកនិចក្នុងការប្រើប្រាស់ប្រភេទបណ្ដាញសង្គមដែលអ្នកកំពុងប្រើដើម្បីផ្សព្វផ្សាយពីអាជីវកម្មរបស់អ្នក។​

មិនថាអ្នកប្រើ Facebook ដើម្បីភ្ជាប់ទំនាក់ទំនងជាមួយមិត្ដភក្ដិ មើលព័ត៌មាន ផ្សព្វផ្សាយពាណិជ្ជកម្ម ឬសម្រាប់ហេតុផលណាមួយក៏ដោយ យ៉ាងហោចណាស់អ្នកនៅតែមានចំណុចដែលត្រូវយល់ដឹងបន្ថែមឱ្យកាន់តែស៊ីជម្រៅទៅលើកម្មវិធីមួយនេះតាមរយៈ Facebook Blueprint ដែរ ដើម្បីធានាឱ្យបានថាអ្វីដែលអ្នកកំពុងធ្វើទៅតាមផ្លូវមួយដែលត្រឹមត្រូវ និងមានប្រសិទ្ធភាព។

គ្រប់គ្នាដឹងច្បាស់រួចមកហើយថា Facebook ត្រូវបានបង្កើតឡើងដើម្បីឱ្យអ្នកប្រើប្រាស់ទាំងអស់ផ្សារភ្ជាប់ទំនាក់ទំនងកាន់តែប្រសើរក្នុងសង្គមអនឡាញ ក៏ដូចជាស្ពានសម្រាប់មនុស្សគ្រប់គ្នាបង្កើតបាននូវទំនាក់ទំនងដោយផ្ទាល់ជាមួយគ្នាផងដែរ ជាពិសេសសម្រាប់អាជីវកម្ម។