GlobalCoin របស់ហ្វេសប៊ុក អាចនឹងចាប់ផ្ដើមដំណើរការនៅក្នុងឆ្នាំ ២០២០ នេះហើយ

Bitcoin

កាលពីពេលថ្មីៗនេះ ហ្វេសប៊ុកបានរាយការណ៍ទៅកាន់ BBC News ថា ខ្លួនមានគម្រោងនឹងចាប់ផ្ដើមដំណើរការ GlobalCoin របស់ខ្លួននៅដើមឆមាសទី១ ឆ្នាំក្រោយនេះហើយ។ ក្រុមហ៊ុនហ្វសប៊ុកក៏បានឲ្យដឹងដែរថា ខ្លួននឹងផ្ដល់ជូនព័ត៌មានបន្ថែមទៀតអំពីបញ្ហារូបិយប័ណ្ណ ដែលវាកំពុងស្ថិតក្នុងការសាកល្បងឆ្នាំ ២០១៩ នេះ។



បញ្ហារូបិយប័ណ្ណនេះ សម្ដៅទៅលើ GlobalCoin ដែលហ្វេសប៊ុកចង់ឲ្យប្រើប្រាស់វាជាមួយនឹងប្រទេសជាច្រើនជុំវិញពិភពលោក ដែលនឹងរំពឹងថា វាមានសុវត្ថិភាព តម្លៃសមរម្យ ជាពិសេសនោះរាល់ការទូទាត់ ចំណាយលើហ្វេសប៊ុកទាំងអស់នឹងមិនត្រូវការគណនីធនាគារទៀតនោះទេ។

ការប្រើប្រាស់រូបិយប័ណ្ណថ្មីនៅក្នុងហ្វេសប៊ុកនេះ ឆ្លងកាត់ការសាកល្បងជាច្រើនដងច្រើនសារ មុននឹងដាក់ឲ្យប្រើប្រាស់ជាផ្លូវការ។ ដោយផ្អែកតាមសារព័ត៌មាន BBC News កាលពីខែមុន លោកម៉ាក់ ហ្សាឃឺបឺតអគ្គនាយកក្រុមហ៊ុនហ្វេសប៊ុកបានធ្វើការណាត់ជួបជាមួយធនាគារប្រទេសអង់គ្លេស ដើម្បីធ្វើការពិភាក្សាអំពីឱកាស ក៏ដូចជាគ្រោះហានិភ័យដែលអាចកើតមានក្នុងវិស័យឌីជីថលមួយនេះ។



ទោះបីជាយ៉ាងណាក៏ដោយ ​វាអាចជារឿងដែលពិបាកបន្តិច ជាពិសេសការដាក់ឲ្យប្រើប្រាស់ក្នុងប្រទេសឥណ្ឌានេះ។ ហ្វេសប៊ុកបានយកប្រទេសឥណ្ឌាជាគន្លឹះសំខាន់នៃការដាក់ដំណើរការ GlobalCoin របស់ខ្លួន ហើយក្រុមហ៊ុនហ្វេសប៊ុកក៏សង្ឃឹមថា នឹងជួយុប្រជាជនឥណ្ឌាបានច្រើន ព្រោះហ្វេសប៊ុកគឺជាកន្លែងដែលអនុញ្ញាតឲ្យប្រជាជនឥណ្ឌាដែលធ្វើការក្រៅប្រទេសខ្លួនអាចធ្វើការផ្ញើលុយមកកាន់គ្រួសាររបស់គេតាមរយៈ WhatsApp ផងដែរ។

ប្រភព៖ www.theverge.com

Related post:

Facebook បានកែប្រែទម្រង Logo របស់ខ្លួនថ្មីប្លែកជាងមុន

ហ្វេសប៊ុកដំបូងគ្រាន់តែជាជាកម្មវិធីមួយប៉ុណ្ណោះ។ ឥឡូវនេះ យើងផ្តល់ជូននិងជួយអ្នកប្រើប្រាស់ក្នុងការភ្ជាប់ទំនាក់ទំនងជាមួយមិត្តភក្តិ គ្រួសារ សហគមន៍និង ការធ្វើជំនួញ។ ថ្ងៃនេះយើងបានធ្វើការផ្លាស់ប្តូរ ឡូហ្គូ ក្រុមហ៊ុនរបស់យើងដើម្បីឲ្យកាន់តែច្បាស់អំពីពីហ្វេសប៊ុក។ យើងកំពុងណែនាំឡូហ្គូ ថ្មីនិងងាយស្រួលសម្គាល់ក្រុមហ៊ុនហ្វេសប៊ុក។ឡូហ្គូថ្មីនេះត្រូវបានរចនាឡើងដើម្បីបង្ហាញពីភាពច្បាស់លាស់និងប្រើប្រាស់ហ្វុនអក្សរមដើម្បីបង្កើតភាពខុសគ្នារវាងក្រុមហ៊ុននិងកម្មវិធី។ ប្រជាជនគួរតែដឹងថាតើក្រុមហ៊ុនណាដែលផលិតផលិតផលដែលពួកគេប្រើ។ សេវាកម្មចម្បងរបស់យើងរួមមានកម្មវិធី Facebook, Messenger, Instagram, WhatsApp, Oculus, Workplace, Portal[...]

Continue