Facebook Live មានចំណុចពិសេសទាំងនេះទើបទទួលបានការនិយមប្រើច្រើន!

មានមនុស្សមិនតិចទេ​ ដែលនិយមចូលចិត្ដ Live Facebook ហើយបើទោះបីជាសម្រាប់ហេតុផលណាមួយក៏ដោយ អ្នកត្រូវដឹងថាវាពិតជាវិធីមួយដ៏មានប្រសិទ្ធបំផុតដើម្បីពាំនាំគោលបំណងរបស់អ្នកទៅកាន់ទស្សនិជកជាមួយនឹងពេលវេលាពិត កន្លែងពិត និងអារម្មណ៍ពិតដោយសារវាមានចំណុចពិសេសទាំងនេះ៖

១. ពណ៌នាពីរឿងរបស់អ្នកបានយ៉ាងល្អ

ដោយឃើញថា វាមានភាពងាយស្រួលក្នុងការគ្រប់គ្រង និងប្រើប្រាស់មុខងារដែលមានភាពច្នៃប្រឌិតខ្ពស់ដូចជា រូបភាពស្ទីកឃើរ៍ក្របាំងមុខជាដើម ដើម្បីសម្រួល និងបង្កើតវិធីសាស្រ្ដក្នុង live របស់អ្នកកាន់តែមានភាពទាក់ទាញទៅតាមស្ថានភាព ដែលអ្នកប្រើប្រាស់ការ Live នេះដើម្បីផ្សព្វផ្សាយ ឬនិយាយប្រាប់ពីរឿងអ្វីមួយទៅកាន់ទស្សនិកជនរបស់អ្នក។

២. ទំនាក់ទំនងជាមួយមិត្ដភក្ដិក្នុងពេលវេលាដោយផ្ទាល់

ការ Live Facebook ជាវិធីដ៏មានប្រយោជន៍មួយដែលអាចធ្វើឱ្យអ្នកបាននិយាយជាមួយមិត្ដភក្ដិក្នុង Facebook ក្នុងពេលវេលាពិតប្រាកដណាមួយដែលអ្នកមានអ្វីពិសេស ហើយចង់ចែករំលែកទៅកាន់អ្នកដទៃក្នុងពេលនោះតែម្ដង ហើយវាក៏មានភាពងាយស្រួល ដើម្បីឆ្លើយតបទៅកាន់អ្នកខមមិនបានភ្លាមៗដែលជាមួយស្ថានភាពជាក់ស្ដែង។

៣. ទៅកាន់មនុស្សទូទាំងពិភពលោក

ការ​ Live វាមិនមែនត្រឹមតែអាចចែករំលែកវីឌីអូអ្នកសម្រាប់មនុស្សដែលបានចូលមើលផ្ទាល់ពេល Live នោះទេ តែវាក៏អាចត្រូវបានចែករំលែកបន្ដទៀតបន្ទាប់ពីអ្នកបញ្ចប់ការ Live របស់អ្នក ដោយអ្នកគ្រាន់តែរក្សាវាទុក (Save) នោះវីឌីអូនោះនឹងអាចដំណើរការនៅក្នុង Timeline របស់អ្នក ហើយអ្នក Followers របស់អ្នកអាចមើលវាសាថ្មី និងធ្វើការចែករំលែកបាន។ ឯកសារយោង: www.facebookblueprint.com