ពិតជាអស្ចារ្យ! ហ្វេសប៊ុកបានប្រើប្រាស់បច្ចេកវិទ្យា AI ដើម្បីធ្វើការគណនាចំនួនដង់ស៊ីតេប្រជាជន
ហ្វេសប៊ុក គឺជាក្រុមហ៊ុនតែមួយគត់ដែលមានមហិជ្ជតាសកល ហើយគម្រោងមួយចំនួន ដែលហ្វេសប៊ុកបានដាក់បង្ហាញគឺមានភាពល្អប្រសើរ ដែលពិតជាជួយសម្រួលដល់ការរស់នៅប្រជាជនពិភពលោកពិតមែន ជាពិសេសនោះ កាលពីពេលថ្មីៗនេះហ្វេសប៊ុកបានព្យាយាមធ្វើផែនទីដង់ស៊ីតេប្រជាជនដោយប្រើ AI ថែមទៀតផង។ វាជាចំណុចដ៏រសើប និងស្ងប់ស្ងែង មិនសរសើរមិនបាន។
តាមពិតទៅគម្រោងការងារមួយនេះបានចាប់ផ្ដើមដំណើរការតាំងពីឆ្នាំ ២០១៦ មកម្ល៉េះដោយខាងហ្វេសប៊ុកបានបង្កើតផែនទីដង់ស៊ីតេចំនួនប្រជាជននេះ មានចំនួន ២២ប្រទេស។ សព្វថ្ងៃនេះ គេបានពង្រីកផែនទីនេះ និងគ្របដណ្ដប់ពេញទ្វីបអាហ្វ្រិក។ អ្វីដែលកាន់តែពិសេសនោះ ហ្វេសប៊ុកមានគម្រោងនឹងបង្កើតផែនទីដង់ស៊ីតេចំនួនប្រជាជនជុំវិញពិភពលោកផងដែរ។
ហ្វេសប៊ុកក៏បានបន្ថែមទៀតថា វាគឺប្រព័ន្ធម៉ាស៊ីនដ៏អស្ចារ្យមួយដែលធ្វើការគណនាទិន្នន័យបានលឿន និងមានភាពសុក្រឹតបំផុត។
វានឹងត្រូវបានគេបញ្ចេញឱ្យប្រើប្រាស់ដោយឥតគិតថ្លៃ នៅក្នុងប៉ុន្មានខែខាងមុខនេះផងដែរ។
ប្រភព៖ www.theverge.com
