កាលពីវេលាយប់មិញកន្លងទៅនេះនៅថ្ងៃទី ៣ ខែ កក្កដា ឆ្នាំ២០១៩ ម៉ោងប្រហែល ១១ យប់ គណនី Facebook, WhatsApp, Instagram បានឈប់ដំណើរការដោយអ្នកប្រើប្រាស់មិនអាចបើកមើលរូបភាព បង្ហោះរូបភាព វីដេអូ ឬ ឯកសារផ្សេងៗនៅលើបណ្តាញសង្គមទាំងនោះបានឡើយ។ហើយបញ្ហានេះត្រូវបានកើតឡើងគ្រប់ប្រទេសទាំងអស់។ មូលហេតុនោះគឺដោយសារតែការជួសជុល (configuration) ប្រព័ន្ធប្រត្តិបត្តិការ (Server) ខាងក្នុងរបស់ Facebook, WhatsApp និង Instagram។
បន្ទាប់ពីបញ្ហាទាំងនេះកើតឡើងក្រុមហ៊ុន Facebook ក៏បានបង្ហោះសារលើ Twitter សូមអភ័យទោសដល់អ្នកប្រើប្រាស់ទាំងឡាយពីបញ្ហានេះហើយ Facebook ក៏បានសន្យានឹងដោះស្រាយបញ្ហានេះឲ្យបានយ៉ាងឆាប់រហ័សជាទីបំផុត។ ទើបតែព្រឹកមិញនេះផងដែរ ប្រព័ន្ធផ្សព្វផ្សាយទាំងនោះចាប់ផ្តើមដំណើរការជាធម្មតាហើយកាន់តែប្រសើរជាងមុន។
